មុខងារសម្ងាត់៣ លើ iPhone X ដែល Apple មិនប្រកាសនៅថ្ងៃបង្ហាញ
- 2017-10-29 21:56:57
- ចំនួនមតិ 0 | ចំនួនចែករំលែក 0
មុខងារសម្ងាត់៣ លើ iPhone X ដែល Apple មិនប្រកាសនៅថ្ងៃបង្ហាញ
ចន្លោះមិនឃើញ
iPhone X បានបង្ហាញខ្លួនក្នុងថ្ងៃតែមួយ ព្រមជាមួយ iPhone 8/8 Plus ប៉ុន្តែអ្វីដែលពិសេសវាជាប្រភេទស្មាតហ្វូនដែលបំពាក់ផ្ទៃអេក្រង់ពេញដំបូងបង្អស់នៃ Apple ក៏ដូចជាមុខងារស្កេនផ្ទៃមុខ Face ID។ ប៉ុន្តែនៅមានរឿងសម្ងាត់ ៣ ផ្សេងទៀតដែល iPhone X អាចធ្វើបាន ហើយក្រុមហ៊ុន Apple ពុំបានប្រកាសឲ្យអស់នៅថ្ងៃដាក់បង្ហាញឡើយ។
១. មុខងារ Notification Screening
Face ID នឹងជួយរក្សាការសម្ងាត់នូវសារ និងផ្ទាំងលោតដំណឹង (Notification) រហូតទាល់តែទូរសព្ទ បានបញ្ចប់ការស្កេនមុខអ្នកដែលកំពុងមើលវា។ ប្រសិនបើមុខនោះ ជាម្ចាស់ទូរសព្ទ នោះវានឹងបង្ហាញសារពេញលេញនៃ Notification ប៉ុន្តែបើមិនមែនជាម្ចាស់ទេនោះ វាគ្រាន់តែបង្ហាញប្រភពរបស់ Notification នោះតែប៉ុណ្ណោះ។
២. ទម្លាក់ដំឡើងពន្លឺស្វ័យប្រវត្តិ
ប្រព័ន្ធកាមេរ៉ាមុខថ្មីរបស់ Apple អាចបម្រើមុខងារទាក់ទងនឹងពន្លឺស្វ័យប្រវត្តិលើអេក្រង់។ ឧបមាអ្នកកំពុងអាននូវអត្ថបទមួយ វានឹងលួចសង្កេតមើលថាភ្នែករបស់អ្នកកំពុងសម្លឹងមើលឬអត់ បើមើលវានឹងរក្សាពន្លឺអេក្រង់ឲ្យភ្លឺដដែល ករណីបើអ្នកឈប់មើលក្នុងរយៈពេលយូរ អេក្រង់នឹងប្រែជាងងឹតវិញ។
៣.ប្រព័ន្ធសំឡេងឆ្លាតវៃ
ស្រដៀងនឹងមុខងារខាងលើដែរ ធៀបទៅនឹងអំឡុងពេលសំឡេងនាឡិការោទ៍ បើអ្នកមើលទៅកាន់ទូរសព្ទ នោះប្រព័ន្ធសំឡេងនឹងប្រែប្រួលទៅដូច្នោះដែរ៕