ប្រធានក្រុមហ៊ុន Arakawa ស្រឡាញ់ លោក ជា សុផារ៉ា ទើបវិនិយោគអគារប៊ូឌីញ

2017-07-29 20:56:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សេង ឡូត អ្នកនាំពាក្យក្រសួងរៀបចំដែនដី នគររូបនីយកម្ម និងសំណង់ បានថ្លែងកាលពីថ្ងៃទី២៩កក្កដាថា ប្រធានក្រុមហ៊ុន Arakawa ស្រឡាញ់ លោករដ្ឋមន្រ្តី ជា សុផារ៉ា ទើបសម្រេចចិត្តវិនិយោគ និងផ្តល់សំណងក្នុងតម្លៃដ៏ខ្ពស់ ឲ្យប្រជាពលរដ្ឋរស់នៅក្នុងអគារប៊ូឌីញ ដោយមិនគិតពីប្រាក់ចំណេញឡើយ។

លោកបញ្ជាក់ថា ប្រសិនបើគិតពីទំហំដី និងតម្លៃនៃការចំណាយលើការទិញលំនៅឋានប្រជាពលរដ្ឋក្នុងអាគារប៊ូឌីញស គឺដីនៅទីនោះមានតម្លៃរហូតដល់៣៦០០ដុល្លារ ក្នុង១ម៉ែត្រការ៉េ ដែលគ្មានអ្នកវិនិយោគណាហ៊ានវិនិយោគឡើយ។

អគារប៊ូឌីញ មុនកម្ទេចចោល

លោកបន្តថា «***គាត់ចង់ទុកកេរ្ត៍ឈ្មោះនៅកម្ពុជា ព្រោះគាត់ខ្លាចអគារនេះបាក់ នាំឲ្យប្រជាជនរស់នៅអគារនេះស្លាប់ គឺគាត់អាណិតប្រជាជនខ្មែរ»***។

លោក សេង ឡូត បានបន្តថា រហូតមកទល់ពេលនេះ ក្រុមហ៊ុនកំពុងសិក្សាឡើងវិញពីគម្រោងសាងសង់អគារថ្មីថា ត្រូវមានសេវាកម្មអ្វីខ្លះ ដើម្បីអាចទាញយកប្រាក់ត្រឡប់មកវិញ។ ទំហំដីជាក់ស្តែងនៃអគារប៊ូឌីញ ស មានទំហំត្រឹមតែ៦៥៣២ម៉ែត្រការ៉េប៉ុណ្ណោះ។

ក្រុមហ៊ុនArakawa Co, Ltd បានចំណាយប្រាក់រហូតដល់ជិត ២៤លានដុល្លារ ដើម្បីទូទាត់ជាមួយអ្នករស់នៅអាគារបូឌីញ ជាសំណងមួយដែលអ្នកជំនាញក្នុងវិស័យអចលនវត្ថុហៅថា “សំណាង”។

លោក គីម ហ៊ាងប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានថ្លែងថា ប្រជាជនដែលរស់នៅអាគារប៊ូឌីញ ហើយអាចលក់ផ្ទះក្នុងតម្លៃបែបនេះ គឺជាសំណាងហើយ ព្រោះបើគុណនឹងតម្លៃដី និងទំហំសំណងដីនៅទីតាំងនេះ មានតម្លៃខ្ពស់ណាស់ បើអ្នកវិនិយោគចិនគេមិនទិញនោះទេ ព្រោះវាមានរឿងច្រើន។ លោកបន្តថា ដីនៅតំបន់នេះ អាចពិបាកក្នុងការសាងសង់អាគារកម្ពស់ខ្ពស់ ព្រោះវាស្ថិតនៅជាប់ស្ថានទូតរុស្ស៊ី ដែលអាចក្រសួងការបរទេសហាមឃាត់ ទោះជាក្រសួងដែនដីអនុញ្ញាតឲ្យសាងសង់ខ្ពស់ក្តី៕

ប្រភព៖ រស្មីកម្ពុជា ប្រែសម្រួល៖ សំភី