លោក Leonardo លើកឡើងជាថ្មី ចំពោះបញ្ហាលទ្ធផលរបស់ជម្រើសជាតិកម្ពុជា

2017-06-28 01:52:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino បានលើកឡើងក្នុងសន្និសីទសារព័ត៌មាននៅប្រទេសមីយ៉ាន់ម៉ា មុនការប្រកួតរវាងក្រុម U22 កម្ពុជា ជាមួយ U22 មីយ៉ាន់ម៉ា នៅល្ងាចនេះថា លោកមិនចាត់ទុកលទ្ធផលឈ្នះ ឬ ចាញ់ សំខាន់សម្រាប់ក្រុម U22 ជម្រើសជាតិកម្ពុជា នោះទេ។ ផ្ទុយទៅវិញ លោកចង់អភិវឌ្ឍវិស័យបាល់ទាត់ទាំងមូលរបស់កម្ពុជា សម្រាប់កីឡាស៊ីហ្គេម នាខែសីហាខាងមុខ ក៏ដូចជាស៊ីហ្គេម ២០២៣ ដែលរៀបចំដោយម្ចាស់ផ្ទះកម្ពុជា។

ចំពោះក្រុម U22 កម្ពុជា ដែលនឹងធ្វើការប្រកួត ក្នុងព្រឹត្តិការណ៍ KBZ Bank Cup 2017 វេលាម៉ោង ៦:៣០ នាទីល្ងាចនេះ អតីតគ្រូបង្វឹកក្រុម Lanexang United ដដែល បានឲ្យដឹងថា លោកប្រើប្រាស់កីឡាករឈុតធំជម្រើសជាតិចំនួន ៥នាក់ ក្នុងចំណោមកីឡាករទាំង ២២នាក់ សម្រាប់ការប្រកួតទល់នឹងម្ចាស់ផ្ទះមីយ៉ាន់ម៉ា៕

អត្ថបទ៖ លាភ.