គណបក្ស២ ដែលមិនបានអាសនៈ បង្ហាញគោលជំហរខុសគ្នា ក្នុងការចូលរួមបោះឆ្នោតឆ្នាំក្រោយ

2017-06-25 01:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយ គ.ជ.ប ប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់ នាថ្ងៃទី២៥ មិថុនានេះ បង្ហាញថា គណបក្សយុវជនកម្ពុជា និងគណបក្សអំណាចខ្មែរ មិនទទួលបានអាសនៈក្រុមប្រឹក្សាឃុំ-សង្កាត់ឡើយ។ ប៉ុន្តែគណបក្សយុវជនកម្ពុជា នឹងបន្តចូលរួមបោះឆ្នោតថ្នាក់ជាតិឆ្នាំក្រោយទៀត ឯគណបក្សអំណាចខ្មែរ អាចនឹងមិនចូលរួមឡើយ។

លោក ពេជ្រ ស្រស់ ប្រធានគណបក្សយុវជនកម្ពុជា អះអាងថា គណបក្សលោក នឹងបន្តចូលរួមប្រកួតប្រជែង ក្នុងការបោះឆ្នោតថ្នាក់ជាតិឆ្នាំ២០១៨ ខាងមុខនេះទៀត។ លទ្ធផលបោះឆ្នោតឃុំសង្កាត់នេះ ជាកញ្ចប់ ឬជាឱសថទិព្វ សម្រាប់ក្រុមលោក ធ្វើជាមេរៀនបទពិសោធន៍ សម្រាប់ដាក់ចេញគោលនយោបាយថ្មី ឱ្យចំចំណុចដែលពលរដ្ឋចង់បាន។

លោក ពេជ្រ ស្រស់ ប្រធានគណបក្សយុវជនកម្ពុជា

ចំណែកលោក សួន សេរីរដ្ឋា ប្រធានគណបក្សអំណាចខ្មែរ បញ្ជាក់ថា គណបក្សលោក អាចនឹងមិនចូលរួមការបោះឆ្នោតថ្នាក់ជាតិខាងមុខនេះទេ។ ទោះជាលោកមិនប្រឆាំងនឹងលទ្ធផលក្តី ប៉ុន្តែលោកក៏មិនពេញចិត្តនឹងរបៀបធ្វើការរបស់ គ.ជ.ប នោះដែរ។

លោក សួន សេរីរដ្ឋា ប្រធានគណបក្សអំណាចខ្មែរ

ក្រៅពីគណបក្សទាំង២នេះ គណបក្សដែលមិនទទួលបានអាសនៈក្រុមប្រឹក្សាឃុំសង្កាត់ដែរនោះ រួមមាន គណបក្សសញ្ជាតិកម្ពុជា គណបក្សសាធារណរដ្ឋប្រជាធិបតេយ្យ និងគណបក្សជនជាតិដើមប្រជាធិបតេយ្យកម្ពុជា៕

អត្ថបទពាក់ព័ន្ធ៖ ផ្លូវការ! CPP ឈ្នះច្រើនអាសនៈជាងគេ តែថយចុះជាង ១ពាន់អាសនៈ ខណៈ CNRP កើនជាង ២ពាន់អាសនៈ

ប្រភព៖ Vayo Fm ប្រែសម្រួល៖ សំភី