គណបក្សប្រជាធិបតេយ្យមូលដ្ឋាន ជួបជុំបេក្ខជនឃុំ-សង្កាត់

2017-05-17 19:09:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាព្រឹកថ្ងៃទី១៨ ខែឧសភានេះ គណបក្សប្រជាធិបតេយ្យមូលដ្ឋាន បានរៀបចំកិច្ចប្រជុំជាមួយបេក្ខជនក្រុមប្រឹក្សាឃុំ-សង្កាត់របស់ខ្លួន ចំនួន ១០០នាក់ មកពីឃុំ-សង្កាត់ ចំនួន ២៧ ក្នុងខេត្តចំនួន ៩ ដែលគណបក្សនេះឈរឈ្មោះ។

ខេត្តចំនួន ៩ នោះ រួមមាន បាត់ដំបង កំពង់ឆ្នាំង កំពង់ស្ពឺ កំពង់ធំ កំពត ព្រៃវែង រតនគិរី ស្វាយរៀង និងតាកែវ។

កិច្ចប្រជុំត្រៀមចូលរួមប្រកួតប្រជែងការបោះឆ្នោតជ្រើសរើសក្រុមប្រឹក្សាឃុំសង្កាត់នេះ ត្រូវបានធ្វើឡើងនៅទីស្នាក់ការគណបក្ស នៅផ្ទះលេខ៣៨ ផ្លូវលេខ៩៧២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ គោលបំណងនៃការជួបជុំនេះ ដើម្បីបញ្ជាក់អំពីការត្រៀមលក្ខណៈ និងការប្តេជ្ញាចិត្តដឹកនាំឃុំ សង្កាត់ ឲ្យក្លាយជាឃុំគំរូក្រោយពេលជាប់ឆ្នោត។

សូមបញ្ជាក់ថា នេះជាលើកដំបូងហើយដែលគណបក្សប្រជាធិបតេយ្យមូលដ្ឋាន ចូលរួមការបោះឆ្នោតជ្រើសរើសក្រុមប្រឹក្សាឃុំសង្កាត់។ ការបោះឆ្នោត នឹងធ្វើឡើងនៅថ្ងៃទី៤ ខែមិថុនា ឆ្នាំ២០១៧៕