ត្រឹម៣ឆ្នាំ! ចិនសម្រេចជោគជ័យផ្នែកអវកាសខ្លាំងបំផុត គ្មានប្រទេសប្រៀបផ្ទឹម
- 2021-05-18 23:50:38
- ចំនួនមតិ 0 | ចំនួនចែករំលែក 0
ត្រឹម៣ឆ្នាំ! ចិនសម្រេចជោគជ័យផ្នែកអវកាសខ្លាំងបំផុត គ្មានប្រទេសប្រៀបផ្ទឹម
ចន្លោះមិនឃើញ
ក្នុងរយៈពេល ៣ឆ្នាំចុងក្រោយនេះ ចិនបានបង្ហាញភាពលេចធ្លោយ៉ាងខ្លាំងបំផុតលើវិស័យអវកាស ដែលស្ទើតែគ្មានប្រទេសណាមួយអាចប្រៀបផ្ទឹមបាន ពោលគឺបានក្លាយជាគូប្រជែងដ៏ស្វិតស្វាញជាមួយអាមេរិក និងរុស្ស៊ី។
-ខែមករា ឆ្នាំ២០១៩៖ ចិនបានក្លាយជាប្រទេសទី១ ដែលចុះចតយានលើផ្នែកងងឹតម្ខាងទៀតនៃព្រះចន្ទ។
-ខែធ្នូ ឆ្នាំ២០២០៖ បេសកកម្ម Changé 5 របស់ចិន បាននាំយកគំរូភពព្រះចន្ទ ត្រឡប់មកផែនដីវិញ ដែលនេះគឺជាលើកដំបូងក្នុងរយៈពេល ៤៤ឆ្នាំ បន្ទាប់ពីយានរបស់សូវៀត យកគំរូព្រះចន្ទ មកផែនដីក្នុងឆ្នាំ១៩៧៦។
-ខែឧសភា ឆ្នាំ២០២១៖ ចិនក្លាយជាប្រទេសដំបូងគេ ដែលបានបញ្ជូនយាន Zhurong ទៅកាន់គន្លងភពអង្គារ រួចចុះចត និងធ្វើប្រតិបត្តិការលើផ្ទៃដីភព ដោយបេសកកម្មតែមួយនេះប៉ុណ្ណោះ ពោលគឺមិនចាំបាច់ត្រូវបញ្ជូនទៅពីរបីដងដូចប្រទេសដទៃឡើយ។
គួរកត់សម្គាល់ដែរថា កាលពីខែមុន ចិនបានបាញ់បង្ហោះម៉ូឌីលទីមួយនៃស្ថានីយអវកាសថ្មីរបស់ខ្លួន Tiangong Space Station ទៅកាន់គន្លងផែនដីទាប។ ស្ថានីយអវកាសនេះត្រូវបានសាងសង់ដើម្បីអាចឱ្យអ្នកអវកាសស្នាក់នៅ និងធ្វើប្រតិបត្តិការ។
-ចិនមានផែនការបញ្ជូនយានទី២ ដើម្បីចុះចតលើភពអង្គារនៅឆ្នាំ២០២៨ ក្នុងគោលបំណងនាំយកគំរូមកពីភពនោះមកកាន់ផែនដី។
-ភ្នាក់ងារអវកាសរុស្ស៊ី ចង់សហការជាមួយចិន ក្នុងការសង់ស្ថានីយស្រាវជ្រាវលើភពព្រះចន្ទ -ចិនមានផែនការប្រមូលយកគំរូមកពីអាចម៌ផ្កាយ
-ចិនគ្រោងបញ្ជូនយានទៅភពសុក្រ និងភពព្រហស្បតិ៍
-ចិនគ្រោងបាញ់បង្ហោះតេឡេស្កុបអវកាសនៅឆ្នាំ២០២៤ ដែលស្រដៀងនឹងតេឡេស្កុបរបស់អាមេរិក Hubble Space Telescope ផងដែរ៕
ប្រភព៖ Physic World