Messi សុខចិត្តបរិច្ចាគស្បែកជើងពិសេស១គូ ដេញថ្លៃយកលុយជួយកុមារប្រយុទ្ធប្រឆាំងនឹងជំងឺមហារីក

2021-02-13 17:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើយោងតាមការចុះផ្សាយដោយសារព័ត៌មានអង់គ្លេស B/R Football បានឲ្យដឹងថា ប្រធានក្រុម Lionel Messi បានបរិច្ចាគស្បែកជើងដែលគេពាក់នៅពេលរកបានគ្រាប់បាល់ទី ៦៤៤ ឱ្យក្រុម FC Barcelona ជូនដល់សារមន្ទីរសិល្បៈកាតាឡូនីញ៉ា (Catalonia)។

ស្បែកជើង Leo Messi នៅសារមន្ទីរសិល្បៈកាតាឡូនីញ៉ា

ស្បែកជើងផលិតផលក្រុមហ៊ុន Adidas ដ៏ពិសេស១គូនោះរបស់ Messi បង្កើតបានកំណត់ត្រាអ្នករកគ្រាប់បាល់ច្រើនបំផុតក្នុង១ក្លឹប បំបែកកំណត់ត្រាចាស់ធ្លាប់កាន់កាប់ដោយតារាបាល់ទាត់ពិភពលោក Pele កាលនៅលេងឲ្យ Santos FC ប្រេស៊ីលគឺ ៦៤៣ គ្រាប់។ Messi និយាយថា៖ **"ខ្ញុំចង់បរិច្ចាគសមិទ្ធិផលផ្ទាល់ខ្លួនជូនដល់កុមារទូទាំងពិភពលោក ដើម្បីជួយពួកគេឲ្យមានសុខភាពល្អ។ "**

ដូចនេះ ក្រុមអ្នកជំនាញនៃសារមន្ទីរ នឹងយកស្បែកជើងពិសេស១គូនោះដាក់លក់ដេញថ្លៃនៅចុងឆ្នាំនេះ រីឯថវិកាដែលបានមកនឹងជួយកុមារដែលប្រយុទ្ធប្រឆាំងនឹងជំងឺមហារីក។ ចំពោះការដេញថ្លៃក្នុងតម្លៃស្រុះស្រួលគ្នាប៉ុន្មានលានដុល្លារនោះ ក្រុមការងារនឹងចុះផ្សាយបន្ត៕