Real Madrid សម្រេចប្រកាសស្នើកាត់ប្រាក់ខែកីឡាករ ១០ ទៅ ២០%

2020-04-08 19:05:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះ ក្លឹបធំជាងគេនៅអេស្ប៉ាញ Real Madrid បានប្រកាសស្នើកាត់ប្រាក់ខែកីឡាករ និងបុគ្គលិកទាំងអស់ រួមទាំងឈុតបាល់បោះផងដែរ ក្នុងម្នាក់ចន្លោះពី ១០ ទៅ ២០% ដោយសារការផ្ទុះឡើងនៃវីរុស ដែលធ្វើឲ្យសកម្មភាពបាល់ទាត់ បានផ្អាក។

Real Madrid រូបថត៖ BBC

មកទល់ពេលនេះ ក្លឹបបាល់ទាត់ទាំងអស់ កំពុងតែមានបញ្ហាហរិញ្ញវត្ថុ (មានតែចំណាយអត់ចំណូល)។ ការស្នើនេះ ធ្វើឡើងក្នុងគោលបំណងជួយផ្គត់ផ្គង់ ក៏ដូចជាដើម្បីធានាដល់បុគ្គលិកផ្សេងៗឲ្យទទួលបានប្រាក់ឈ្នួលពេញលេញ។

បើគិតតែឈុតធំ ចំណាយសរុបប្រមាណជា ២៨៩ លានអឺ៉រ៉ូ (ដោយមិនគិតលើប្រាក់បន្ថែមពីលើ ការបង្ហាញទម្រង់លេងល្អ ឬរកគ្រាប់បាល់បាន)។ ដូចនេះ ក្នុងចន្លោះនៃការកាត់ពី ១០ ទៅ ២០% ក្លឹបបន្ថយការចំណាយបានដល់ចន្លោះពី ៣៣ លានផោនដល់ ៥៦ លានផោន ខណៈដែលចំណូលសរុបមានជាង ៧៥៧ លានផោនឯណោះ។ ក្នុងនោះក៏មានលក្ខខណ្ឌ ២ ផងដែរ បើកាលណាលីគត្រឡប់មកវិញ ការកាត់នឹងតែ ១០% បើមិនអាចត្រឡប់មកវិញ នឹងកាត់ដល់ ២០%។

ក្លឹបបាល់ទាត់ខ្លះ ក៏នៅតែបន្តបើកប្រាក់ថ្លៃពលកម្មបុគ្គលិក និងកីឡាករទាំងអស់បើកដូចមុនដដែល តែមានការស្នើកាត់ប្រាក់ខែខ្លះ តួយ៉ាងដូចក្លឹប Barcelona កាលពីខែមុន បានប្រកាសស្នើកាត់ដល់ទៅ ៧០% ទៅលើកីឡាករនិងបុគ្គលិកក្លឹបទាំងអស់ ក្នុងការទប់ទល់ជាមួយនឹងវិបត្តិនេះ៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ BBC ប្រែសម្រួល៖ រក្សា