ទុក្ខជាន់ទុក្ខ! អតីតអ្នកចាត់ការក្លឹប Barca សុទ្ធតែទទួលដំណឹងសោកសៅក្នុងថ្ងៃតែមួយ

2020-04-06 19:12:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតអ្នកចាត់ការទូទៅក្លឹប Barcelona ២ រូបគឺលោក Pep Guardiola (ដឹកនាំចន្លោះឆ្នាំ ២០០៩-២០១១) និងលោក Radomir Antic (ដឹកនាំចន្លោះឆ្នាំ ២០០២-២០០៣ ពាក់កណ្ដាលរដូវកាល) សុទ្ធតែទទួលដំណឹងសោកសៅក្នុងថ្ងៃតែមួយ កាលពីរសៀលថ្ងៃទី ៦ ខែមេសាម្សិលមិញ។

Pep ដឹកដៃម្តាយវ័យ ៨០ ឆ្នាំកាលវិស្សមកាលកន្លងមក

លោក Pep បច្ចុប្បន្នជាអ្នកចាត់ការទូទៅក្លឹប Manchester City បានបាត់បង់ម្តាយ វ័យ ៨០ ឆ្នាំដោយសារមិនអាចទ្រាំទ្រនឹងការវាយលុកនៃវីរុសកូវីដ ១៩ នៅក្នុងតំបន់កាតាឡាន់ ប្រទេសអេស្បា៉ញ ខណៈដែលលោក Radomir បាត់បង់ជិវិតក្នុងវ័យ ៧១ ឆ្នាំដោយគ្មានមូលហេតុ(ប្រភពពីក្លឹបមិនបញ្ជាក់) តែគេសន្និដ្ឋានថា ដោយសារវីរុសកូវីដ ១៩ ដូចគ្នា។

លោក Radomir Antic រូបថត៖ AP

មកទល់ថ្ងៃទី ៧ ខែមេសា ២០២០ អេស្ប៉ាញ ជាប្រទេសទី ២ បន្ទាប់ពីសហរដ្ឋអាមេរិក ដែលកើតមានករណីឆ្លងខ្ពស់បំផុត គឺចំនួន ១៣៥ ៧៦៧៥ អ្នកស្លាប់ឡើងដល់ ១៣ ៣៤១ នាក់ និងអ្នកជាសះស្បើយបានចំនួន ៤០ ៤៣៧ នាក់៕

ទទួលបានព័ត៌មានថ្មីៗ លឿនរហ័សទាន់ចិត្ត កុំភ្លេចទាញយក App Kley Kley ឥឡូវនេះ

-Android: play.google.com

-iOS: apps.apple.com/us/app

ប្រភព៖ Goal | FC Barcelona ប្រែសម្រួល៖ រក្សា