Pep និងកំពូលកីឡាករ ៣ រូបបរិច្ចាគប្រាក់ ១ លានអឺរ៉ូដូចគ្នាជួយអ្នករងគ្រោះដោយវីរុស

2020-03-24 19:05:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Lionel Messi, Cristiano Ronaldo និងភ្នាក់ងារ, ខ្សែប្រយុទ្ធ Robert Lewandowski និងភរិយា Anna ព្រមនឹងអ្នកចាត់ការទូទៅក្លឹប Manchester City លោក Pep Guardiola សុទ្ធតែបានបរិច្ចាគទឹកប្រាក់ប្រមាណជា ១ លានអឺរ៉ូ ដើម្បីជួយដល់ការទំនុកបម្រុងនិងប្រយុទ្ធប្រឆាំងទៅនឹងវីរុសកូរ៉ូណា ឬ COVID-19 នៅមន្ទីរពេទ្យផ្សេងៗគ្នាក្នុងប្រទេសអាល្លឺម៉ង់ អេស្ប៉ាញ អាហ្សង់ទីន និងព័រទុយហ្គាល់។

រូបថត៖ Champions League

Lionel Messi បានបរិច្ចាគសរុប១លានអឺរ៉ូទៅកាន់មន្ទីរពេទ្យ២កន្លែង។ ក្នុងនោះមួយនៅទីក្រុង Barcelona និងមួយទៀតនៅឯប្រទេសអាហ្សង់ទីន។ ឯ Cristiano Ronaldo និងភ្នាក់ងារបានបរិច្ចាគប្រាក់ ១លានអឺរ៉ូដូចគ្នាដែរ ជូនទៅអង្គភាពថែទាំចំនួន ៣ កន្លែងនៅមន្ទីរពេទ្យក្នុងទីក្រុង Lisbon និង Porto ព័រទុយហ្គាល់។

លោក Pep Guardiola បានបរិច្ចាគប្រាក់ចំនួន ១លានអឺរ៉ូ ជួយដល់គ្រប់មន្ទីរពេទ្យនៅប្រទេសអេស្ប៉ាញ។ ចំណែក Robert Lewandowski និងភរិយា Anna បានបរិច្ចាគទឹកប្រាក់ប្រមាណជា ១ លានអឺរ៉ូ ជួយដល់គ្រប់មន្ទីរពេទ្យនៅក្នុងប្រទេសអាល្លឺម៉ង់៕