អ្នកចាត់ការទូទៅក្រុម Liverpool លោក Jugen Klopp បានលើកឡើងក្រោយចប់ប្រកួត ទៅកាន់សារព័ត៌មាន BT Sport ដូច្នេះថា៖ «ខ្ញុំពេញចិត្តចំពោះកូនក្រុមដែលបានប្រឹងប្រែងលេងបានយ៉ាងល្អ ប៉ុន្តែវាជារឿងដែលពិបាកបំផុតមួយដែលលេងទល់នឹងក្រុមបែបនេះ។ ខ្ញុំបានឃើញកីឡាករមួយចំនួនដូចជា Koke, Saul, Llorente ពួកគេឈរចាំមុខទីតែម្តង។ AT ចាំតែវាយបកប៉ុណ្ណោះ។ យ៉ាងណាពួកគេឈ្នះហើយ ខ្ញុំទទួលស្គាល់ ហើយក៏អបអរសាទរផងដែរ»។

នៅជើងទី ២ វគ្គ ១៦ ក្រុមចុងក្រោយក្រុម Liverpool បានប្រកួតចាញ់ AT សរុបទាំងពីរជើង ២-៤ Atletico Madrid ។ គូនេះប្រកួតគ្នាយ៉ាងស្វិតស្វាញ ក្រោមក្រសែភ្នែកអ្នកគាំទ្រជាច្រើនម៉ឺននាក់ ខណៈដែល ២ គ្រាប់មុនរកបានដោយ Wijnaldum និង Firmino ប៉ុន្តែត្រូវបានវាយបកវិញដោយ Llorente ម្នាក់ឯង ២ គ្រាប់និងអ្នកសម្លាប់ចុងក្រោយគឺ Morata ។

លទ្ធផលនេះ បានជួយឲ្យ Atletico Madrid បានឡើងទៅវគ្គ ៨ ក្រុមចុងក្រោយពានរង្វាន់ Champions League ជាមួយនឹង Paris៕

ទស្សនាវីដេអូហាយឡាយខាងក្រោម៖