កម្មករនិយោជិក ស្ទើរទាំងអស់ បានចូលរួមបោះឆ្នោត
- 2018-08-06 00:24:00
- ចំនួនមតិ 0 | ចំនួនចែករំលែក 0
កម្មករនិយោជិក ស្ទើរទាំងអស់ បានចូលរួមបោះឆ្នោត
ចន្លោះមិនឃើញ
លោក ហ្វា សាលី ប្រធានសម្ព័ន្ធសហជីពជាតិ (ស.ស.ជ) បានអះអាងថា ក្រោយបានចុះអង្កេតតាមបណ្ដារោងចក្រ សហគ្រាស រួមទាំងបណ្ដាញមួយចំនួនបានឃើញថា កម្មករ និយោជិក ប្រមាណជា ៩៥% បានត្រឡប់មកធ្វើការវិញដោយភ្ជាប់មកជាមួយនឹងម្រាមដៃប្រឡាក់ទឹកខ្មៅ គ្រប់ៗគ្នា ក្នុងរោងចក្រ សហគ្រាស នីមួយៗ ក្រោយសម្រាករយៈពេល ៣ថ្ងៃ ចាប់ពីថ្ងៃទី២៨ ដល់ ៣០ ខែកក្កដាកន្លងទៅ។ នេះបើតាមសេចក្ដីថ្លែងការណ៍របស់សម្ព័ន្ធសហជីពជាតិ ចុះថ្ងៃទី៦កក្កដា។
ទន្ទឹមនឹងនេះ ប្រធានសម្ព័ន្ធសហជីពជាតិ ក៏បានអំពាវនាវដល់សហគមន៍អឺរ៉ុប និងសហរដ្ឋអាមេរិក ពិចារណាឡើងវិញ ចំពោះបញ្ហាបញ្ឈប់ការអនុគ្រោះពន្ធ និងស្នើបន្តការអនុគ្រោះដល់កម្ពុជា ដើម្បីជួយលើកកម្ពស់សេដ្ឋកិច្ចពលរដ្ឋកម្ពុជា ឲ្យមានជីវភាពប្រសើរ និងផ្ដល់ឱកាសដល់អ្នកវិនិយោគក្រៅ និងក្នុងប្រទេសកម្ពុជា ក្នុងការដឹកនាំ អភិវឌ្ឍប្រទេស៕