Apple យល់ព្រមធ្វើបច្ចុប្បន្នភាពឲ្យ Telegram ដោយសារមូលហេតុនេះ

2018-06-03 21:07:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនអាមេរិក Apple បានយល់ព្រមក្នុងការចេញកំណែ Update ឲ្យកម្មវិធី Telegram កាលពីសប្ដាហ៍មុន បន្ទាប់ពីរុស្ស៊ីបានជំរុញឲ្យលុបចោល Telegram ចេញពីក្នុង App Storeទូទាំង ពិភពលោក។ Telegram មិនត្រូវបានធ្វើកំណែ Update ចាប់តាំងពីខែមេសាមកម្ល៉េះ។

កម្មវិធី Telegram ត្រូវបាន Update ជាថ្មីដោយ Apple (រូបថត៖ investing)

លោក Pavel Durov ស្ថាបនិក Telegram ដែលស្នើឲ្យមានការធ្វើកំណែ Update កម្មវិធីរបស់ខ្លួន បានចោទប្រកាន់ Apple ថាផ្សំគំនិតជាមួយក្រុងមូស្គូដែលទាមទារលេខសម្ងាត់ពី Telegram ដើម្បីចូលមើលសាររបស់បុគ្គល និងក្រុមហ៊ុនមួយចំនួន។ Telegram បានបដិសេធ។ ក្រោយមក Apple បានយល់ព្រមតាមសំណើរបស់ម្ចាស់ Telegram ដោយការធ្វើដំណែ Update ថ្មី ដើម្បីរារាំងមិនឲ្យ រុស្ស៊ីចូលមើលសាររបស់អ្នកប្រើប្រាស់បានឡើយ។

គួរជម្រាបថា រុស្ស៊ីធ្លាបស្នើទៅ Apple និង Google ដើម្បីលុប Telegram ពី Store របស់ក្រុមហ៊ុននីមួយៗ។ ថ្មីៗនេះ រុស្ស៊ីបានស្នើទៅកាន់ Apple ម្ដងទៀត ដោយគំរាមថា ប្រសិនបើ Apple មិនធ្វើតាមការស្នើរបស់ខ្លួនទេនោះ រដ្ឋាភិបាលរុស្ស៊ីនឹងបិទ App Store ទាំងស្រុងនៅប្រទេសរុស្ស៊ី៕

ប្រភព៖ PhoneArena ប្រែសម្រួល៖ លាភ.