ត្រឹមរយៈពេលមិនដល់១ខែ អភិបាលខេត្ត ៣រូប ត្រូវបានផ្លាស់ប្ដូរ

2018-04-26 21:37:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងរយៈពេល១ខែចុងក្រោយនេះ អភិបាលនៃគណៈអភិបាលខេត្តចំនួន ០៣រូប ត្រូវបានផ្លាស់ប្តូរ គឺអភិបាលខេត្តតាកែវ ខេត្តក្រចេះ និងខេត្តប៉ៃលិន។ អភិបាលខេត្តទាំង ៣រូប មានដូចខាងក្រោម៖

លោកឡាយ វណ្ណៈ អតីតអភិបាលខេត្តតាកែវ ត្រូវបានផ្ទេរភារកិច្ច កាលពីថ្ងៃទី៣០ ខែមីនា ឆ្នាំ២០១៨ ជំនួសវិញដោយលោក អ៊ូច ភា ដែលជាអភិបាលរង។ ក្រោយផ្ទេរតំណែង ពោលគឺនៅថ្ងៃទី១ ខែមេសា លោកឡាយ វណ្ណៈ ត្រូវបានចាប់ខ្លួនបញ្ជូនទៅក្រសួងមហាផ្ទៃ តាមដីការបស់សាលាដំបូងរាជធានីភ្នំពេញ ពាក់ព័ន្ធទៅនឹងសំណុំរឿងឃាតកម្មលើស្រ្ដីកំណាន់ឈ្មោះ ចេវ សុវឌ្ឍនា នៅក្នុងខេត្តតាកែវ កាលពីដើមឆ្នាំ ២០១៨។

លោកឡាយ វណ្ណៈ ពេលនៅជាអភិបាលខេត្តតាកែវ

លោកអ៊ូច ភា ពេលប្រកាសចូលកាន់តំណែងអភបាលខេត្តតាកែវ

លោក សរ ចំរុង ត្រូវបានផ្លាស់ប្តូរចេញពីតំណែងអភិបាលខេត្តក្រចេះ កាលពីថ្ងៃទី២៦ ខែមេសា ឆ្នាំ២០១៨ ជំនួសវិញដោយលោក វ៉ា ថន ដែលជាអភិបាលរងខេត្ត។ ការផ្លាស់ប្តូរនេះ ដោយសារលោកសរ ចំរុង ដល់អាយុត្រូវចូលនិវត្តន៍។

លោក សរ ចំរុង អតីតអភិបាលខេត្តក្រចេះ

លោក វ៉ា ថន ពេលប្រកាសចូលកាន់តំណែងអភិបាលខេត្តក្រចេះ កាលពីថ្ងៃទី២៦ មេសា ២០១៨

លោកកើត សុធា ត្រូវបានផ្លាស់ប្ដូរចេញពីតំណែងអភិបាលខេត្តប៉ៃលិន នៅថ្ងៃទី២៧ ខែមេសា ឆ្នាំ២០១៨ នេះ។ លោកផាន់ ចាន់ថុល ដែលអភិបាលរងខេត្តប៉ៃលិន ត្រូវឡើងធ្វើជាអភិបាលខេត្ត ជំនួសវិញ៕