លោក ម៉ុង ឫទ្ធី ចាយទុនជាង ១០លានដុល្លារ កែច្នៃឆ្នេរកែវផុស

2018-02-19 01:48:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការបង្ហោះនៅលើហ្វេសប៊ុករបស់លោក ម៉ុង ឫទ្ធី បានឲ្យដឹងថា លោកបានចំណាយពេលជិត ២០ឆ្នាំ ដើម្បីសាងសង់ហេដ្ឋារចនាសម្ពន្ធតំបន់ឆ្នេរសមុទ្រកែវផុស ដែលស្ថិតនៅស្រុកស្ទឹងហាវ ខេត្តព្រះសីហនុ ឲ្យសស្អាតអាចចុះងូតទឹកលេងកម្សាន្តបាន។ លោក ម៉ុង ឫទ្ធី បញ្ជាក់ថា ដើមឡើយឆ្នេរកែវផុសសុទ្ធតែល្បាប់ភក់ មិនអាចកម្សាន្តលេងដូចឆ្នេរឯទៀតនៅក្នុងខេត្តព្រះសីហនុបានទេ។

ប្រភពរូប៖ ហ្វេសប៊ុកលោក ម៉ុង ឫទ្ធី

សម្រាប់គម្រោងអភិវឌ្ឍន៍ឆ្នេរកែវផុស លោកប្រធានក្រុមហ៊ុន ម៉ុង ឫទ្ធី គ្រុប បានចំណាយទុនប្រមាណជាង ១០លានដុល្លារ បើគិតមកទល់នឹងបច្ចុប្បន្ន ហើយការសាងសង់សម្រេចបាន ៧០% ហើយ។ អ្វីដែលគួរឲ្យកត់សម្គាល់គឺថា ប្រជាពលរដ្ឋអាចចូលលេងកម្សាន្តនៅឆ្នេរកែវផុស បានដោយសេរី គ្មានការហាមឃាត់ និងមិនគិតថ្លៃសេវាឡើយ៕