គណបក្សប្រជាធិបតេយ្យមូលដ្ឋាន ព្រមានមិនចូលរួមការបោះឆ្នោតឆ្នាំ២០១៨

2018-01-16 19:30:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គលេខាធិការគណបក្សប្រជាធិបតេយ្យមូលដ្ឋាន លោក សាម អ៊ីន ឲ្យដឹងថា ថ្នាក់ដឹកនាំគណបក្ស អាចប្រកាសមិនចូលរួមការបោះឆ្នោតនៅឆ្នាំ២០១៨ បើបរិយាកាសប្រកួតប្រជែងមិនអំណោយផល។

លោក សាម អ៊ីន ពន្យល់ថា បរិយាកាសមិនអំណោយផលនោះ រួមមានការធ្វើសកម្មភាពលើកស្លាកគណបក្ស និងដំណើររៀបចំការបោះឆ្នោតមួយដែលមិនអាចជឿជាក់បាន។

លោកបណ្ឌិត សាម អ៊ីន ក្នុងវេទិកាអ្នកស្ដាប់វិទ្យុអាស៊ីសេរី កាលពីថ្ងៃទី២២ ខែមេសា ឆ្នាំ២០១៦។ រូបថត៖ RFA

កាលពីថ្ងៃទី១៣ ខែវិច្ឆិកា តំណាងគណបក្សប្រជាធិបតេយ្យមូលដ្ឋាននៅរាជធានីភ្នំពេញ បានធ្វើលិខិតជូនដំណឹងទៅសាលាសង្កាត់គោកឃ្លាង ខណ្ឌសែនសុខ ស្ដីពីការលើកស្លាកគណបក្សនេះនៅក្នុងមូលដ្ឋាននៃសង្កាត់គោកឃ្លាង។ នៅថ្ងៃទី២៥ ខែវិច្ឆិកា ក្រុមការងារគណបក្សបានទៅលើកស្លាកនៅលើដីសាធារណៈដែលមានស្លាកគណបក្សប្រជាជននៅក្បែរនោះ។ គណបក្សនេះអះអាងថា ពេលនោះអាជ្ញាធរខណ្ឌសែនសុខ អមដោយកម្លាំងនគរបាលជាង ១០នាក់ បានមកហាមឃាត់មិនឲ្យលើកស្លាក ហើយបង្គាប់ឲ្យដាក់ពាក្យស្នើសុំទៅសាលាខណ្ឌសិនទើបអាចលើកបាន។ ក្រោយមកគណបក្សមូលដ្ឋានដាក់ពាក្យស្នើទៅសាលាក្រុងភ្នំពេញ ប៉ុន្តែរហូតមកទល់ពេលនេះពួកគេនៅមិនទាន់បានទទួលដំណឹងនៅឡើយទេ។

ស្លាកគណបក្សប្រជាធិបតេយ្យមូលដ្ឋាន នៅស្រុកប្រាសាទបល្ល័ង្ក ខេត្តកំពង់ធំ។ រូបថត៖ ហ្វេសប៊ុក

កាលពីថ្មីៗនេះ ស្លាករបស់គណបក្សប្រជាធិបតេយ្យមូលដ្ឋានដែលដាក់បញ្ឈរនៅតាមផ្លូវ ក្បែរស្លាករំឭកគុណថ្ងៃ ៧ មករា ក៏រងការកាប់បំផ្លាញដែរ។ ក្រៅពីចង់បានការបំភ្លឺករណីស្លាករបស់គណបក្សដែលរងការកាប់បំផ្លាញ គណបក្សប្រជាធិបតេយ្យមូលដ្ឋាន ចង់ឃើញដំណើរការបោះឆ្នោតដែលគ្មានការរាំងស្ទះ ហើយអនុញ្ញាតឲ្យសង្គមស៊ីវិលជាតិ និងអន្តរជាតិ អាចចូលរួមសង្កេតការណ៍បានដោយពេញលេញ ទើបគណបក្សនេះអាចចូលរួមប្រកួតប្រជែងការបោះឆ្នោតនៅឆ្នាំ២០១៨ បាន៕

ប្រភព៖ Radio Free Asia ប្រែសម្រួល៖ សំភី

ពាក្យទាក់ទង

គណបក្សប្រជាធិបតេយ្យមូលដ្ឋាន នយោបាយជាតិ

ភ្ជាប់ទំនាក់ទំនងជាមួយ

អត្ថបទពេញនិយម

អត្ថបទថ្មី

គោលការណ៍គ្រឹះដែលរាជរដ្ឋាភិបាល និងវិស័យឯកជន អាចសម្រេចបាននូវគុណតម្លៃ និងជោគវាសនារួមគ្នា

បណ្ណព័ត៌មានអ្នកបោះឆ្នោត មិនអាចជំនួសអត្តសញ្ញាណបណ្ណក៏ពិតមែន ប៉ុន្តែវាមានផលប្រយោជន៍ ៣យ៉ាង

ការធ្វើស្រែកើតមានក្នុងប្រទេសចិន ជាង៧០០០ឆ្នាំមកហើយ និងបានចិញ្ចឹមជីវិតមនុស្សរាប់លាននាក់

ប្រព័ន្ធប្រតិបត្តិការ Android 14 មកជាមួយឡូហ្គូថ្មី និងកាន់តែមានសុវត្ថិភាពជាងមុន

ក្រៅពីចាក់ភ្លេង DJ ត្រូវមានភារកិច្ចផ្សេងទៀត ដែលគ្រប់គ្នាត្រូវស្វែងយល់ និងឲ្យតម្លៃ

ព្រះមហាក្សត្រ ផ្ដល់គោរមងាថ្នាក់ជាតិជូនព្រឹទ្ធាចារ្យឆ្នើមៗ ៩រូប