គណបក្សប្រជាធិបតេយ្យមូលដ្ឋាន ព្រមានមិនចូលរួមការបោះឆ្នោតឆ្នាំ២០១៨
- 2018-01-16 19:30:13
- ចំនួនមតិ 0 | ចំនួនចែករំលែក 0
គណបក្សប្រជាធិបតេយ្យមូលដ្ឋាន ព្រមានមិនចូលរួមការបោះឆ្នោតឆ្នាំ២០១៨
ចន្លោះមិនឃើញ
អគ្គលេខាធិការគណបក្សប្រជាធិបតេយ្យមូលដ្ឋាន លោក សាម អ៊ីន ឲ្យដឹងថា ថ្នាក់ដឹកនាំគណបក្ស អាចប្រកាសមិនចូលរួមការបោះឆ្នោតនៅឆ្នាំ២០១៨ បើបរិយាកាសប្រកួតប្រជែងមិនអំណោយផល។
លោក សាម អ៊ីន ពន្យល់ថា បរិយាកាសមិនអំណោយផលនោះ រួមមានការធ្វើសកម្មភាពលើកស្លាកគណបក្ស និងដំណើររៀបចំការបោះឆ្នោតមួយដែលមិនអាចជឿជាក់បាន។
កាលពីថ្មីៗនេះ ស្លាករបស់គណបក្សប្រជាធិបតេយ្យមូលដ្ឋានដែលដាក់បញ្ឈរនៅតាមផ្លូវ ក្បែរស្លាករំឭកគុណថ្ងៃ ៧ មករា ក៏រងការកាប់បំផ្លាញដែរ។ ក្រៅពីចង់បានការបំភ្លឺករណីស្លាករបស់គណបក្សដែលរងការកាប់បំផ្លាញ គណបក្សប្រជាធិបតេយ្យមូលដ្ឋាន ចង់ឃើញដំណើរការបោះឆ្នោតដែលគ្មានការរាំងស្ទះ ហើយអនុញ្ញាតឲ្យសង្គមស៊ីវិលជាតិ និងអន្តរជាតិ អាចចូលរួមសង្កេតការណ៍បានដោយពេញលេញ ទើបគណបក្សនេះអាចចូលរួមប្រកួតប្រជែងការបោះឆ្នោតនៅឆ្នាំ២០១៨ បាន៕